Ho Gaya Hun bheed mein tanha khudaya - ghazal Urdu - sadaloog

 ہوگیا ہوں بھیڑ میں تنہا خدایا

تو مجھے دینا کوئی سایہ خدایا

ہاں میں ہوں بھٹکا ہوا تیری طرف سے

پر ہوں میں آخر ترا بندہ خدایا

ظلمتوں نے اس قدر گمرا کیا ہے

اب نہیں دکھتا کوئی رستہ خدایا

سرکش و عاصی بنا پہرتا ہوں اب میں

اور جانے میں بنوں کیا کیا خدایا

ہر کوئی غم کا تماشہ بیں بنا ہے

ہے نہیں کوئی یہاں اپنا خدایا

تھک گیا ہوں اس جہاں سے دل لگا کے

تو ابھی کردے مجھے اپنا خدایا